Health & Medical

Hoodia Gordonii: Dieetmiddel nie so wonderlik, vind Stellenbosch navorser

Prof. Carine Smith of Stellenbosch University. Photo: SU
Prof. Carine Smith of Stellenbosch University. Photo: SU

Nuwe navorsing oor die uitwerking wat die verslankingsmiddel Hoodia op rotte gehad het, het skrikwekkende resultate opgelewer, skryf ELSABE BRITS

Dit het nie net die diere se bloeddruk dramaties laat styg nie, maar ook die buik verhard en laat swel. Hulle het ook spiermassa verloor eerder as vet.

Prof. Carine Smith, hoof van die multi-dissiplinêre stresbiologie-navorsingsgroep in die departement fisiologie by die Universiteit Stellenbosch (US), het dié studie gedoen. Dit was die eerste dat die fisiologiese uitwerking van Hoodia gordonii op beide maer en oorgewig rotte getoets is. Die resultate van die studie is vandeesmaand in die vaktydskrif Journal of Ethnopharmacology gepubliseer.

In die eksperiment is twaalf maer rotte en twaalf oorgewig rotte twee weke lank aan verskillende dosisse Hoodia gordonii-ekstrakblootgestel. Die kontrolegroep het geen Hoodia ontvang nie.

Smith het gesê die uitwerking van die ekstrak op beide die maer én oorgewig rotte was “skrikwekkend”.

Die rotte het aansienlik gewig verloor, maar dit was nie vet nie. Die maer rotte het 35% van hul spiermassa verloor, en die oorgewig rotte tot 30% op die hoër dosis.

Hul buik het ook opgeswel weens verharde inhoud. Die verlies aan gewig was weens verhongering, soortgelyk aan anoreksie.

Die derde onrusbarende waarneming – wat by al die rotte voorgekom het – is ’n verdikking van die hartspier.

Dit beteken die hart moet harder as gewoonlik werk om bloed na die res van die liggaam te pomp en dit manifesteer as simptome, soos verhoogde bloeddruk en hartkloppings.

Lees die volledige artikel by www.dieburger.com

Related posts

Aneurysms: how to ID the good from the bad

AdminBraai

Weighty matter: metabolic syndrome on the rise among SA’s Asian Indian population

Engela Duvenage

TB or not to be

Engela Duvenage

Baby, make those genes talk

Sarah Wild

From Stellenbosch to Saskatchewan: microbes across the globe

AdminBraai

Our daughter Maya is here and healthy because of veggies, dog walks and a cyborg technology that costs R50 a day

Anina Mumm