Space & Astronomy

Ingenieur van SA help tuig op komeet land

Die momentumwiel – van 20 cm in deursnee – van die landingstuig Philae wat onder leiding van prof. Herman Steyn van Suid-Afrika ontwikkel is.
Die momentumwiel – van 20 cm in deursnee – van die landingstuig Philae wat onder leiding van prof. Herman Steyn van Suid-Afrika ontwikkel is.

Wanneer die landingstuig Philae op 12 November op ’n komeet land, sal ’n stukkie Suid-Afrikaanse breinkrag ’n groot rol speel in sy sukses.

Die Europese Ruimte-agentskap sal geskiedenis maak wanneer hy die eerste word om ’n tuig op ’n komeet – 67P/Churyumov-Gerasimenko – te laat land.

Die tuig, Rosetta, wat reeds in ’n wentelbaan 10 km bo die komeet is, sal Philae loslaat en dié sal sewe uur later land. Die tuie reis al tien jaar lank na die komeet. Prof. Herman Steyn, groephoof van rekenaar- en beheerstelsels by die departement van elektriese en elektroniese ingenieurswese aan die Universiteit Stellenbosch (US), vertel dat hy destyds, terwyl hy die hoofingenieur en spanleier by Surrey Satellite Technology (SSTL) was, die projekleier was van die span wat die Philae se momentumwiel ontwikkel het.

Die wiel van 20 cm in deursnee, wat sowat 1,5 kg weeg, is uiters belangrik vir ’n suksesvolle landing. “Indien die momentumwiel nie werk nie, kan die landingstuig maklik begin tuimel, en dan sal hy nie op sy drie bene te lande kom op die komeet se oppervlak nie.”

Lus vir meer? Lees die oorspronlike by Netwerk24.

Related posts

The sounds of time

Anina Mumm

I-MeerKAT Ithola Obekungaziwa eMkhathini

Sibusiso Biyela

Fancy toothpaste with a local flavour?

Engela Duvenage

Between science and society: Northern Cape communities struggle with the telescope in their backyards

Paul Kennedy

[WATCH] What to do with your e-waste and grey water?

AdminBraai

Caught by the SciBraai Eye

Engela Duvenage