‘n Nuwe middel teen cholesterol wat maandeliks ingespuit word, werk heeltemal anders as die beskikbare statiene. Evolucumab, waarby die Universiteit van Kaapstad (UK) nou betrokke is, is in ’n gevorderde stadium van kliniese toetse.
Dr. Dirk Blom van die UK en Groote Schuur se lipidologie-eenheid, is die hoofnavorser van ’n artikel wat onlangs oor dié middel in die New England Medical Journal verskyn het. Die middel verminder “slegte cholesterol” (LDL).
In kliniese studies wat op 88 plekke, ook in Suid-Afrika, gedoen is, het dit cholesterol met 57% verlaag, vergeleke met ’n placebo.
Lees meer oor presies hoe hierdie middel te werk gaan in Die Burger.