Iningizimu Afrika inomlando omude ophathelene nezinhlobo zezinkomo. Lomlando ubhalwe ezakheni zofuzo lwezinkomo okubalwa kuzo iNguni, iPedi, iAfrikaner kanye ne Bonsmara.
Ososayensi basebenzisa ubuchwepheshe ukufunda umbhalo wezakhi zofuzo ukuze bakwazi ukuthola ukuthi izinkomo zanamuhla zisuka’phi, bathole nokuthi iziphi izinkomba ezithandekayo kubafuyi. USolwazi Este van Marle-Koster, ongusosayensi wezolimo enNyuvesi yasePitoli, uhola ucwaningo oluzo qopha umlando nolwazi ngezinkomo zase Ningizimu Afrika.
U- Van Marle-Koster ufuna ukwazi ukuthi iziphi izinhlobo zezinkomo ezahlanganiswa ukuze sithole izinhlobo okubalwa kuzo iNguni, nokuthi iziphi izinkomba ezenza ukuthi lezi zinkomo zikwazi ukudlondlobala endaweni eshisayo. Lolucwaningo luzotshengisa ososayensi izinkomba ezihambisana nezakhi zofuzo, ezenza inkomo ikhule ngamandla, noma ikhiqize ubisi oluningi.
Ulwazi oluzotholakala kulolucwaningo luzosiza abafuyi bathole izindlela ezintsha, ezingcono zokuqoka izinkomo ezithize ukuze kwande ukudla eNingizimu Afrika kuqedwe nendlala.
Umthombo: UP research: The history and genetics of our famous Nguni cattle can help conserve them